Нагадаем, 2 лютага, у дзень народзінаў нацыянальнага героя Беларусі Кастуся Каліноўскага, у менскім клубе Re:public адбудзецца адмысловая святочная імпрэза — Беларускі Музычны Фэст Uzajemna!/Узаемна!
У сувязі з вялікай колькасцю музычных калектываў, жадаючых выступіць на фестывалі, арганізатары вырашылі абвесціць спецыяльны конкурс.
Этапы конкурса:
1 этап. Да 15 студзеня ўключна трэба падаць заяўку ад музычнага гурта ў абмеркаванні сустрэчы ці на email: [email protected].
2 этап. З пададзеных заявак будуць адабраныя гурты для галасавання ў ВК, якое пройдзе з 16 па 23 студзеня.
3 этап. Запрошаныя эксперты, арганізатары абяруць з улікам інтэрнэт-галасавання пераможцу ці пераможцаў да 27 студзеня.
Заяўка музычнага калектыва павінна ўключаць:
— назва гурта;
— кантактную інфармацыю;
— песня калектыва на беларускай мове.
Конкурс не мае ніякіх абмежаванняў апроч наяўнасці беларускамоўнай праграмы ад 1-й да 3-х песень дзеля выступу на фэсце.
Звяртаем увагу музыкаў: апроч выступу на святочным канцэрце арганізатары і партнёры фэста акажуць гурту-пераможцу падтрымку ў запісе адной кампазіцыі!
Кантактная інфармацыя:
+375 (29) 649-0-888
Каментары