Аўтамабіль, у багажніку якога ён вывез дзяўчыну за горад, канфіскаваны. Сам хлопец асуджаны да 11 гадоў калоніі, піша Радыё Свабода.
Злачынства адбылося 30 верасня 2019 года. 29-гадовы Яўген К. скраў сваю былую дзяўчыну раніцай ля будынка тэхналагічнага ўніверсітэта. Ён запіхаў дзяўчыну ў багажнік аўтамабіля і звёз у невядомым кірунку. Пра здарэнне ў сацыяльных сетках напісалі відавочцы, міліцыя пачала шукаць злачынцу па плане «Перахоп». У выніку злачынцу з дапамогай выпадковых сведак затрымалі ў вёсцы Бусні́ ў Жабінкаўскім раёне.
Суд па гэтай справе пачаўся ў Брэсце 4 студзеня. Мужчыну судзілі адразу па трох артыкулах Крымінальнага кодэкса:
- наўмыснае прычыненне цяжкога цялеснага пашкоджання (абвінавачаны ўдарыў пацярпелую бітай па галаве),
- выкраданне з прымяненнем гвалту і
- прымяненне гвалту ў дачыненні да асобы, якая выконвае грамадзянскі абавязак (падчас затрымання відавочцамі абвінавачаны спрабаваў пераехаць іх аўтамабілем).
Згодна з матэрыяламі справы, абвінавачаны ў момант здзяйснення злачынства быў цьвярозы. Пацярпелая ў першы дзень суда расказала, што яна доўгі час сустракалася з абвінавачаным і яго ўчынак можа патлумачыць тым, што такім чынам Яўген «хацеў яе вярнуць». Віну абвінавачаны прызнаў, аднак паказанні на судзе ў першы дзень працэсу даваць адмовіўся.
У выніку суддзя прызнала віну абвінавачанага цалкам даказанай і прысудзіла яму 11 гадоў пазбаўлення волі з адбываннем пакарання ў калоніі ўзмоцненага рэжыму. Акрамя гэтага асуджаны абавязаны выплаціць штраф памерам 4050 рублёў, яго аўтамабіль канфіскаваны як сродак здзяйснення злачынства.
«Прабачце, што пайшоў не той дарогай», — сказаў пасля вынясення прысуду Яўген К. Ён таксама папрасіў прабачэння ў пацярпелай.
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м53
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1212
Каментары