Іракскую вайсковую базу Эт-Таджы на поўнач ад Багдада, дзе знаходзяцца амерыканскія вайскоўцы, абстралялі ў аўторак ракетамі. Як паведаміў тэлеканал Al Sumariya, абстрэл вёўся з рэактыўных сістэм залпавага агню. Паводле папярэдніх звестак, атрымалі раненні па меншай меры трое іракцаў, таксама базе нанесены матэрыяльны ўрон, піша tass.ru.
База Эт-Таджы знаходзіцца ў правінцыі Салах-эд-Дзін і яе ўжо абстрэльвалі ў пачатку студзеня ў адказ на налёт ВПС ЗША 29 снежні мінулага года на лагер шыіцкіх фармаванняў «Аль-Хашд аш-Шаабі».
3 студзеня ў выніку ракетнай атакі амерыканскіх ВПС у раёне аэрапорта Багдада былі забітыя камандуючы сіламі «Аль-Кудс» Корпуса вартавых ісламскай рэвалюцыі генерал Касем Сулеймані і намеснік камандзіра «Аль-Хашд аш-Шаабі» Абу Махдзі аль-Мухандзіс.
9 студзеня адзін з шыіцкіх лідараў шэйх Кайс аль-Хазалі заявіў тэлеканалу Al Mayadeen, што яны пакідаюць за сабой права адпомсціць ЗША за гібель свайго камандзіра.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам8
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1818
Каментары