21-гадовы мінчук праверыў, як далёка паляціць з балкона слоік з агуркамі. Вынік — 2000 рублёў
У міліцыю звярнуўся ўласнік Audi, ён распавёў, што ў ягонай машыне разбіта лабавое шкло. Машына была прыпаркавана на стаянцы каля жылога дома па вуліцы Шугаева, піша гарадская міліцыя.
Высветлілася, што аўтамабіль пашкодзіў 21-гадовы мінчук. Маладзён жыве ў адным доме з гаспадаром таго аўтамабіля. Высветлілася, што ў выходны ў маладога чалавека былі сябры, і яны разам пілі. Пасля чаго хлопец вырашыў прадэманстраваць таварышам сваю сілу — выкінуў слоік з агуркамі з акна, ды так, каб ён паляцеў як мага далей.
Слоік у выніку зваліўся на Audi і разбіў лабавое шкло. Гаспадар транспартнага сродку ацаніў прычыненую шкоду ў 2000 рублёў.
Каментары