Праўнучка Стэфаніі Станюты заваявала тры «бронзы» на этапе Гран-пры ў Брно па мастацкай гімнастыцы.
Меліта Станюта – праўнучка знакамітай Стэфаніі Станюты – заваявала тры бронзавыя медалі на другім этапе Гран-пры па мастацкай гімнастыцы, што прайшоў у чэшскім Брно.
Беларуска ўзыйшла на п’едэстал у практыкаваннях з мячом, стужкай і скакалкай, саступіўшы ва ўсіх трох дысцыплінах моцным расіянкам Яўгеніі Канаевай і Веры Сесінай, паведамляе Прессбол.
Два тыдні таму на першым этапе ў Маскве 15-гадовая беларуска таксама заваявала тры медалі: адно срэбра (з мячом) і дзве бронзы (скакалка і стужка).
Этап Гран-пры ў Маскве быў дэбютным для Меліты, і тры ўзнагароды гэта вялікі яе асабісты поспех.
Меліта Станюта таксама перамагала на чэмпіянатах краіны, заваявала тры срэбраныя медалі на чэмпіянаце Еўропы ў Турыне.
Дарэчы ў інтэрв’ю «Спортивной панораме» пасля Гран-пры ў Маскве Меліта сказала, што сваімі выступамі ўвасабляе мару сваёй бабулі Стэфаніі Станюты, якая лічыла мастацкую гімнастыку сплавам спорту і акторскага майстэрства і ў «70 год магла сесці на шпагат».
Сярод мараў Меліты Станюты – трапіць у складзе беларускай зборнай на чэмпіянат свету па мастацкай гімнастыцы, што пройдзе ў верасні.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары