Апублікаваная пастанова Мінабароны і Міністэрства аховы здароўя «Аб вызначэнні патрабаванняў да стану здароўя грамадзян, звязаных з воінскім абавязкам», паведамляе Мінабароны ў сваім тэлеграм-канале.
Дакумент прыняты таксама з мэтай удакладніць патрабаванні да стану здароўя грамадзян, якія падлягаюць прызыву на ваенную службу і службу ў рэзерве, а таксама для тых, хто праходзіць службу, па наступных класах захворванняў:
— захворванні апорна-рухальнага апарату і касцёва-мышачнай сістэмы;
— захворванні эндакрыннай сістэмы;
— расстройствы харчавання і парушэнні абмену рэчываў;
— захворванні сардэчна-сасудзістай сістэмы, якія суправаджаюцца нязначнымі парушэннямі сардэчнага рытму.
Прапануецца таксама ўдасканаліць экспертныя падыходы ў сувязі з сучаснымі дасягненнямі медыцыны і скарэктаваць патрабаванні да стану здароўя па асобных ваенна-ўліковых спецыяльнасцях.
Мінабароны падкрэслівае, што кардынальных змен у падыходзе да ацэнкі стану здароўя пры прызыве на тэрміновую ваенную службу не ўнесена.
Цяпер чытаюць
Вось хто той хлопец, які паехаў на праполку бульбы і стаў героем сацсетак6
Каментары