Па канале «Лад» на Дзень канстытуцыі паказалі праграму пра асновы беларускай незалежнасці й дзяржаўнасці.
Па канале «Лад» на Дзень канстытуцыі паказваюць праграму пра асновы беларускай незалежнасці й дзяржаўнасці. Словы пра шматвяковую беларускую гісторыю і традыцыі пераплеценыя з кадрамі са школьнага ўроку, дзе дзецям тлумачаць сутнасць сцяга і герба. Кажуць, што сімвалы з’явіліся даўно, калі нашы продкі адбіваліся ад ворагаў, якія перашкаджалі шчасліва працаваць.
У гэты час ў кадры паказваюць малюнак вершнікаў на канях, на дзідах якіх прымацаваны сцяжкі з зубром… Пасля дзіцячая рука малюе каравыя сімвалы РБ.
Пасля словаў пра векавыя традыцыі распавядаюць, што па ўваходжанні Беларусі ў СССР у 1922 годзе паўстала патрэба стварэння дзяржаўных сімвалаў. Не дужа ж пільна было ім, калі толькі ў 1927 годзе герб нарэшце распрацавалі. І чамусьці амаль не розніўся ён ад РСФСРаўскага. Бальшавіцкія пачаткі нашага сцяга таксама яскрава паказаныя – узнагароджанне зялёнай стужкай у 50‑я.
Пра Пагоню і бел‑чырвона‑белы сцяг не згадалі ані слаўцом. «Пасля кароткага перыяду нестабільнасці грамадзяне рэспублікі на рэферэндуме…»
У тым кіно настаўніца спытала ў дзяцей, чаму мы маем такі сцяг. Шасцігодкі патлумачылі тым, што ў нас шмат дрэваў і травы. Што думаюць яны пра чырвоны колер, не паказалі, а ў кадры з’явіўся афіцэр, які пачаў распавядаць пра граніцу нашай краіны…
Цяпер чытаюць
Cцяпан Латыпаў трэці раз спрабаваў здзейсніць суіцыд у турме3
Cцяпан Латыпаў трэці раз спрабаваў здзейсніць суіцыд у турме
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1313
Каментары