Амерыканцы перадалі беларускім памежнікам абсталяванне для аховы мяжы ФОТЫ
Абсталяванне для аховы мяжы беларускім памежнікам перадалі прадстаўнікі Мінэнерга ЗША, паведамляе тэлеканал СТБ. Афіцыйная цырымонія прайшла на ўчастку паста «Нароўля» у радыяцыйна-экалагічным запаведніку.
Гэта мабільныя сістэмы выяўлення і радыяцыйнага кантролю. Акрамя таго, амерыканскі бок праводзіць тэхнічнае абслугоўванне пастаўленага абсталявання і навучае памежнікаў.
Дапамогу аказалі ў рамках Мемарандума аб узаемаразуменні паміж двума ведамствамі. Беларусь і ЗША супрацоўнічаюць у пытаннях прадухілення незаконнага абароту ядзерных і іншых радыеактыўных матэрыялаў.
«Дзякуючы дадзенай праграме мы атрымалі сродкі кантролю, якія працуюць аўтаномна. Абсталяванне дазволіць нам назіраць за тэрыторыяй, кантраляваць яе і ў выпадку неабходнасці рэагаваць на абстаноўку, якая ўзнікае на дадзенай тэрыторыі. З упэўненасцю можна сказаць, што гэта толькі пачатковы этап вялікай праграмы па ўдасканаленні аховы дзяржаўнай мяжы з дапамогай нашых амерыканскіх калегаў», — кажа першы намеснік старшыні Дзяржаўнага пагранічнага камітэта Ігар Буткевіч.
Пагранічны пост «Нароўля» — першае падраздзяленне «зялёнай» мяжы, мадэрнізаванае ў рамках праекта. Пост абсталяваны сістэмай дыстанцыйнага маніторынгу, адмысловымі аўтамабілямі, цеплавізар, біноклямі і іншым абсталяваннем радыяцыйнага кантролю.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс20
Віктар Лукашэнка засвяціў на пасяджэнні НАК свой гадзіннік — цяжкі люкс
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары