ЕС падоўжыў санкцыі супраць Беларусі, у МЗС расчараваныя такім рашэннем
Сёння Еўрапейскі саюз на год падоўжыў санкцыі супраць Беларусі, у МЗС Беларусі расчараваныя такім рашэннем.
У знешнепалітычным ведамстве лічаць санкцыі «беспадстаўнымі перажыткамі мінулага і праявай палітычнай інерцыі ў падыходах Еўрасаюза да выбудоўвання дыялогу з Беларуссю».
«Бо відавочна, што за апошнія гады ў беларуска-еўрапейскіх адносінах дасягнута значна больш, чым за папярэдняе дзесяцігоддзе санкцый», — агучылі ў МЗС сваю пазіцыю.
У сваёй афіцыйнай заяве міністэрства заклікала Еўрасаюз да адмовы ад санкцыйных клішэ, якія толькі перашкаджаюць нармальнаму дыялогу і супрацоўніцтву як па двухбаковых пытаннях, так і па пераадоленні агульных выклікаў у рэгіёне, і выказала надзею, што ўжо ў найбліжэйшай будучыні беларуска-еўрапейскія адносіны набудуць сапраўды недыскрымінацыйны характар.
Каментары