Апеляцыйны суд Гаагі заявіў, што Расія павінна выплаціць больш € 50 млрд былым акцыянерам ЮКАСа. Такім чынам, рашэнне акруговага суда, які зняў з РФ абавязацельствы па выплаце € 50 млрд былым акцыянерам ЮКАСа, адменена, піша ТАСС.
Як адзначаецца, у Расіі захоўваецца магчымасць абскардзіць гэтае рашэнне ў Вярхоўным судзе Нідэрландаў.
Міжнародны трацейскі арбітраж ў Гаазе прысудзіў кампенсацыю былым акцыянерам ЮКАСа ў 2014 годзе — у сваім рашэнні суд палічыў, што фактычна Расія незаконна нацыяналізавала кампанію. У красавіку 2016 года гэтае рашэнне было адменена Акруговым судом Гаагі.
Для спагнання кампенсацыі акцыянеры ЮКАСа звярталіся ў суды ЗША, Вялікабрытаніі, Германіі і іншых еўрапейскіх краін з патрабаваннем аб забеспячальным арышце маёмасці, што належыць ураду Расіі.
Заснавальнік ЮКАСа Міхаіл Хадаркоўскі не ўваходзіў у лік акцыянераў, якія падалі пазоў супраць Расіі.
Цяпер чытаюць
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі36
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя2020
Каментары