У 4-м тралейбусным парку на сённяшні дзень ёсць 8 аўтаномных тралейбусаў, 6 з іх ужо возяць пасажыраў па маршруце № 44 «ДС «Захад-3» — Бабруйская».
Пра гэта Мінск-Навінам паведаміў першы намеснік дырэктара — галоўны інжынер гэтага філіяла «Мінсктрансу» Канстанцін Галалобаў.
— Першыя такія тралейбусы з запасам аўтаномнага ходу ў 15 км пачалі паступаць у парк у канцы студзеня, прайшлі абкатку, і іх накіравалі на маршрут. Пакуль ўражанні ад гэтай тэхнікі толькі добрыя, — выказаў меркаванне спецыяліст.
— Праца пабудавана такім чынам, што значную частку трасы машыны ідуць аўтаномна. Гэта найбольш загружаныя ўчасткі, дзе звычайна назіраюцца заторы, нярэдкія аварыйныя сітуацыі, напрыклад, на вуліцы Прытыцкага ў раёне скрыжавання з праспектам Пушкіна, на вуліцы Кальварыйскай, у раёне плошчы Багушэвіча і Прывакзальнай плошчы.
Калі машыны абмінуць гэтую частку маршруту, токапрыёмнікі зноў ставяцца на кантактную сетку, і тралейбусы едуць традыцыйным спосабам. Пры гэтым у шляху зараджаецца батарэя, так што дадатковых падстанцый не патрабуецца. Дзякуючы гэтай тэхніцы скарацілася колькасць збойных сітуацый, сказаў К. Галалобаў.
-
На Беласточчыне прайшоў фестываль беларускай традыцыі Soncahraj ФОТЫ
-
Жонка Аляксандра Мілінкевіча расказала пра ягоны стан: памяць захавалася, але з рухальным апаратам вялікія праблемы
-
«Я ў калоніі быў больш вольны». Былы палітвязень Тамаз Піпія расказаў пра 6 гадоў за кратамі і новую паранаідальную беларускую рэальнасць
Каментары