Мінінфарм звярнуўся да СМІ і блогераў: Не нагнятайце паніку, дзяржава дасць усю інфармацыю
Міністэрства інфармацыі апублікавала ліст у сувязі з праблемай распаўсюду ў Беларусі каранавіруса 2019-nCov.
«Мы разумеем сутнасць трывогі, што гучыць у інфармацыйных матэрыялах, — гаворыцца ў звароце. — Мы адказна заяўляем, што дзяржава па дадзенай праблематыцы трымаецца палітыкі выключнай адкрытасці інфармацыі для грамадства».
Мінінфарм звяртаецца да прадстаўнікоў СМІ, інтэрнэт-рэсурсаў, блогасферы, заклікаючы трымацца прынцыпу забеспячэння дакладнасці інфармацыі, і не спрабаваць «ляпіць» фэйкі і нагнятаць паніку ў грамадстве».
«Мы заклікаем усіх журналістаў і блогераў абапірацца на афіцыйныя каментары і аўтарытэтныя меркаванні спецыялістаў! Не пашырайце інфармацыю тых, хто далёкі ад працэсу барацьбы з каранавірусам, неспецыялістаў і іншых ненадзейных крыніц інфармацыі. Памятайце, што дзяржаўныя органы гатовыя даваць усю неабходную афіцыйную інфармацыю па гэтай праблематыцы», — адзначаецца ў звароце.
«Адказнасць за распаўсюд недакладнай інфармацыі ніхто не адмяняў», — нагадвае пры канцы Міністэрства інфармацыі.
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары