Mininfarm źviarnuŭsia da ŚMI i błohieraŭ: Nie nahniatajcie paniku, dziaržava daść usiu infarmacyju
Ministerstva infarmacyi apublikavała list u suviazi z prablemaj raspaŭsiudu ŭ Biełarusi karanavirusa 2019-nCov.
«My razumiejem sutnaść tryvohi, što hučyć u infarmacyjnych materyjałach, — havorycca ŭ zvarocie. — My adkazna zajaŭlajem, što dziaržava pa dadzienaj prablematycy trymajecca palityki vyklučnaj adkrytaści infarmacyi dla hramadstva».
Mininfarm źviartajecca da pradstaŭnikoŭ ŚMI, internet-resursaŭ, błohaśfiery, zaklikajučy trymacca pryncypu zabieśpiačeńnia dakładnaści infarmacyi, i nie sprabavać «lapić» fejki i nahniatać paniku ŭ hramadstvie».
«My zaklikajem usich žurnalistaŭ i błohieraŭ abapiracca na aficyjnyja kamientary i aŭtarytetnyja mierkavańni śpiecyjalistaŭ! Nie pašyrajcie infarmacyju tych, chto daloki ad pracesu baraćby z karanavirusam, nieśpiecyjalistaŭ i inšych nienadziejnych krynic infarmacyi. Pamiatajcie, što dziaržaŭnyja orhany hatovyja davać usiu nieabchodnuju aficyjnuju infarmacyju pa hetaj prablematycy», — adznačajecca ŭ zvarocie.
«Adkaznaść za raspaŭsiud niedakładnaj infarmacyi nichto nie admianiaŭ», — nahadvaje pry kancy Ministerstva infarmacyi.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary