У гульні чэмпіянату Беларусі па футболе суддзя прызначыў ажно пяць пенальці. Такога яшчэ не было ВІДЭА
З усіх еўрапейскіх краін толькі ў Беларусі працягваюцца спартыўныя турніры. За імі цяпер сочаць па ўсім свеце, а правы на тэлетрансляцыю вышэйшай лігі набылі ў Расіі і Украіне. І беларускаму футболу ёсць чым здзівіць замежнага гледача.
Учора ўсе захапляліся заўзятарам-баяністам на матчы «Іслач» — «Нёман», а сёння суддзя Сяргей Чыстоў прызначыў ажно пяць пенальці ў матчы «Слуцка» і «Славіі». Чатыры ў вароты мазырчукоў і адзін — у слуцкую браму.
Гульня скончылася з лікам 3:1 на карысць случчакоў — адзін з 11-метровых удараў яны ўмудрыліся не рэалізаваць.
Як паведамляе «Прэсбол», такім чынам у Слуцку быў усталяваны рэкорд па прызначаных пенальці. У 2004 годзе ў гульні «Белшына» — «Зорка-ВА-БГУ» было 4 адзінаццаціметровыя ўдары. Што цікава, адзін з іх выконваў якраз Сяргей Чыстоў, але забіць не змог.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары