Пасля дажджоў у Беларусі адзначаецца павышэнне ўзроўню вады на большасці рэк басейнаў Дзвіны, Нёмана, Віліі, Бярэзіны і Прыпяці, а таксама на прытоках Дняпра і Сожа. За суткі вада паднялася на 1—36 сантыметраў, паведаміў Белгідрамет.
На рацэ Сушанка каля вёскі Суша Клічаўскага раёна і на рацэ Случ каля вёскі Кляпчаны Слуцкага раёна ўзровень вады перавышае адзнакі выхаду на пойму.
Адначасова на Дняпры і Сажы назіраецца спад узроўню вады — на 1—5 сантыметраў за суткі.
На Нёмане каля Гродна, Дняпры каля Магілёва, а таксама на Сажы каля Крычава, Слаўгарада і Гомеля ўзроўні вады застаюцца ніжэйшымі за адзнакі, якія абмяжоўваюць суднаходства.
Тэмпература вады ў рэках складае ад 14 да 22 градусаў, у іншых вадаёмах — ад 17 да 20 градусаў.
Паводле прагнозаў гідролагаў, да канца тыдня ўзроўні вады на большасці рэк працягнуць расці з-за чаканых ападкаў, месцамі моцных.
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі4
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары