«Віцязь» пачаў серыйную вытворчасць прасаў.
Рэспубліканскае унітарнае вытворчае прадпрыемства «Віцязь» (Віцебск) пачало серыйную вытворчасць прасаў, паведамілі БелаПАН у аддзеле маркетынгу і збыту.
Паводле слоў спецыялістаў, ужо выпушчана і адпраўлена на рэалізацыю ў гандлёвую сетку рэспублікі першая партыя —1 тыс. штук. Найбліжэйшым часам плануецца выпусціць яшчэ столькі ж прасаў.
Усяго прадпрыемства распрацавала шэсць мадэляў прасаў, з якіх пакуль выпускаецца дзве — «Віцязь‑603» і «Віцязь‑605». У іх прадугледжаны такія функцыі, як засцярога ад перагрэву, самаачышчэнне, «паравы ўдар», сушка і распыленне вады, а таксама рэгуляванае параўвільгатненне. Абедзве мадэлі выкананыя з падэшвай з нержавеючай сталі. Іх магутнасць складае 2.200 Вт. Вырабы збіраюцца як з імпартных, так і з беларускіх камплектуючых.
Прадпрыемства «Віцязь» заснавана ў 1976 годзе. Цяпер на ім занята 5 тыс. чалавек. Апрача тэлевізараў выпускаюцца DVD‑прайгравальнікі, пыласосы, медабсталяванне, мэбля, будматэрыялы, пажарная тэхніка.
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары