У Беларусі падрыхтаваны праект указа, які прадугледжвае магчымасць адтэрміноўкі па выплаце арэнднай платы, а таксама мараторый на павелічэнне базавай арэнднай велічыні і арэнднай платы, паведамляе Дзяржаўны камітэт па маёмасці.
Дакумент распрацаваны Дзяржкаммаёмасцю для аказання падтрымкі суб'ектам прадпрымальніцтва, чыя дзейнасць можа найбольш пацярпець ад эпідэміялагічнай сітуацыі (турыстычныя і транспартныя паслугі, гасцінічны і санаторны бізнэс, грамадскае харчаванне, бытавыя паслугі і інш.).
Нормы ўказа будуць распаўсюджаны на арандатараў (пазыкаатрымальнікаў) нерухомай маёмасці, якая знаходзіцца ў дзяржуласнасці, а таксама ва ўласнасці гаспадарчых таварыстваў, у статутных фондах якіх больш за 50% акцый (долей) знаходзіцца ва ўласнасці Беларусі і (або) яе адміністрацыйна-тэрытарыяльных адзінак.
У прыватнасці, праектам указа прадугледжваецца даванне па заяве арандатара да 30 верасня 2020 года адтэрміноўкі па арэнднай плаце за карыстанне нерухомай маёмасцю (кампенсацыі расходаў, звязаных з яе ўтрыманнем і эксплуатацыяй).
Арэндадаўцам (пазыкадавальнікам) нерухомай маёмасці пры даванні арандатарам такой адтэрміноўкі таксама прапануецца ўстанавіць адтэрміноўку па арэнднай плаце за зямлю, падатку на зямлю і на нерухомасць з растэрміноўкай па 31 снежня 2020 года.
Мараторый на павелічэнне базавай арэнднай велічыні і арэнднай платы праектам указа прадугледжваецца на тэрмін да 30 верасня 2020 года.
Акрамя таго, дзяржаўным юрыдычным асобам прапануецца даць права даваць пакупнікам, якія ажыццяўляюць такія «ўразлівыя» віды дзейнасці, а таксама якія аказваюць бытавыя паслугі насельніцтву, да 30 верасня 2020 года адтэрміноўку па аплаце дзяржмаёмасці, прададзенай з растэрміноўкай.
Адтэрміноўка даецца пакупніку на тэрмін, пазначаны ў яго заяве. Пагашэнне пакупніком сумы адтэрміноўкі праводзіцца штомесяц роўнымі долямі з 1 кастрычніка па 31 снежня 2020 года. Працэнты за карыстанне адтэрміноўкай і растэрміноўкай прапануецца не налічваць.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары