У лячэнні каранавіруса можа дапамачы пераліванне крыві ад перахварэлых
Навукоўцы з Універсітэта Ганконга мяркуюць, што ў лячэнні захворвання, выкліканага новым каранавірусам, можа дапамагчы пераліванне сыроваткі крыві, якая змяшчае вірусныя антыцелы ад перахварэлых, піша tass.ru.
Мікрабіёлагі правялі даследаванне на сірыйскіх залацістых хамяках з улікам падабенства ў іх арганізме структуры бялку ACE2 (ангіатэнзінператваральны фермент 2) з чалавечым. Гэты бялок лічыцца рэцэптарам для пранікнення каранавіруса ў клетку.
У першы тыдзень з моманту заражэння ў звяркоў назіраліся цяжкія сімптомы, звязаныя з паразай лёгкіх, трахеі, імуннай сістэмы, кішачніка. Аднак па сканчэнні тыдня некаторыя грызуны пачалі здаравець, набіраць вагу, а ў крыві выпрацаваліся антыцелы.
Навукоўцы затым выкарысталі сыроватку іх крыві для пералівання здароваму хамяку, а затым інфікавалі яго каранавірусам. Аказалася, што ў гэтым выпадку вірусная нагрузка ў арганізме грызуна была ў 10 разоў ніжэйшая. «Калі мы зробім тое ж самае з людзьмі, увёўшы плазму крыві ачунялых пацыентаў праз вену, гэта можа сапраўды дапамагчы ім аднавіцца, знізіўшы вірусную нагрузку», — мяркуе аўтар даследавання, прафесар Юэн. Ён паведаміў, што яго каманда цяпер чакае дазволу з боку медыцынскага камітэта па этыцы, каб мець магчымасць правесці даследаванні на людзях.
Цяпер чытаюць
Колькі беларусаў галасавала за Лукашэнку на ранейшых выбарах? Апублікаваныя закрытыя лічбы дзяржаўных апытанняў18
Каментары