Мінздароўя прызнала другую смерць ад каранавіруса і загадала новы рэбус. Магчыма, у Беларусі 217 выпадкаў
Міністэрства аховы здароўя апублікавала чарговы прэс-рэліз пра стан пандэміі ў Беларусі:
«У Беларусі на сёння праведзена больш за 32 тысячы тэстаў на каранавірусную інфекцыю.
За апошнія суткі выпісана 5 пацыентаў, у якіх раней тэст на COVID-19 даў станоўчы вынік. Пад медыцынскім наглядам і на лячэнні знаходзяцца 157 чалавек.
Зарэгістраваны другі выпадак смерці ўзроставага пацыента з наяўнасцю шматлікіх хранічных захворванняў, па папярэдніх дадзеных, абцяжараных каранавіруснай інфекцыяй».
Якая ж актуальная лічба выпадкаў каранавіруса?
На лячэнні цяпер знаходзіцца 157 чалавек.
За 31 сакавіка было выпісана 5 чалавек.
За 30 сакавіка было выпісана 6 чалавек.
30 сакавіка Мінздароўя інфармавала, што выпісаны ці чакаюць выпіскі 47 чалавек, а «працягваецца медыцынскае назіранне і лячэнне 105 чалавек».
2 чалавекі з каранавірусам памерлі.
Такім чынам, імаверна, у Беларусі афіцыйна зафіксавана 217 выпадкаў каранавіруса.
Цяпер чытаюць
«Кайлас, я іду». Што за беларуска знікла ў жудасным селі ў Непале10
Каментары