Міністр: На сёння ў Віцебску каля тысячы пацыентаў з пнеўманіяй
У горадзе Віцебску на сёння дыягнаставана каля 1000 пнеўманій.
Пра гэта ў адказ на пытанне «Нашай Нівы» паведаміў міністр аховы здароўя Беларусі Уладзімір Каранік на прэс-канферэнцыі з місіяй СААЗ 11 красавіка.
Ён не змог назваць агульную лічбу хворых на пнеўманію ў Віцебскай вобласці ў цэлым і ў Докшыцкім раёне, але паабяцаў даць такую інфармацыю ў выпадку пісьмовага запыту пра яе.
Зыходзячы са статыстыкі пнеўманій можна спраецыраваць, хоць і вельмі прыблізна, ступень распаўсюджання «недавыяўленай» каранавіруснай інфекцыі. З даследаванняў эпідэміёлагаў вядома, што пнеўманія развіваецца прыкладна ў 13—20% пацыентаў, інфікаваных каранавірусам.
Летась пнеўманій на піку было каля 600, адзначыў міністр.
Мы можам дадаць, што, у сувязі з тым, што зіма і сакавік былі цёплыя, а колькасць выпадкаў грыпу і ВРВІ сёлета была нязначнай, наўрад ці лічба «звычайных» пнеўманій цяпер можа быць пікавай.
Вось відэа прэс-канферэнцыі:
У Беларусі лабараторна пацверджанае заражэнне каранавірусам 301 медработніка, таксама паведаміў на прэс-канферэнцыі міністр аховы здароўя Беларусі Уладзімір Каранік. Ён выглядаў вельмі стомленым, але адказваў на пытанні журналістаў амаль дзве гадзіны.
Большасць пытанняў былі адрасаваныя беларускаму міністру, а не прадстаўнікам місіі СААЗ, якія адказвалі на пытанні ўхіліста. Пры ўсёй дыпламатычнасці апошнія ўсё ж ясна далі зразумець, што рэкамендуюць Беларусі ўзмацніць захады па «раз'яднанні» людзей і забараніць усялякія масавыя мерапрыемствы.
-
Насупраць ЗАГСа Савецкага раёна Мінска адкрылася тэматычная зона адпачынку «Шлях да шчасця»
-
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА
-
Расіяніну, які п'яным пабіўся з ахоўнікамі мінскага метро, вынеслі прысуд
Цяпер чытаюць
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?2
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары