Уладзімір Япрынцаў ляжыць з каранавірусам у палаце інтэнсіўнай тэрапіі. І нават правёў ВІДЭАўрок
Уладзімір Япрынцаў — вядомае імя ў беларускім спорце. Калісьці ён тройчы станавіўся чэмпіёнам свету па самба, затым займаў высокія пасады ў беларускіх федэрацыях самба і дзюдо.
У красавіку Уладзімір Япрынцаў заразіўся каранавірусам. Цяпер ён у ізаляцыі — адзіночнай палаце з асобнай падачай кіслароду. Але там не сумуе, што пацвярджае відэа ў падтрымку анлайн-эстафеты «On A Wave Stay Live», паведамляе Tribuna.com.
«Апынуўся ў палаце інтэнсіўнай тэрапіі з двухбаковым запаленнем лёгкіх і каранавірусам. Але, здаецца, мне палягчэла, доктар дазволіў рабіць невялікую гімнастыку», — заявіў Япрынцаў і, нягледзячы на хваробу, правёў невялікі відэаўрок. 58-гадовы сябра выканкама Міжнароднай федэрацыі самба ў бальніцы з лёгкасцю пастаяў на галаве, зрабіў прэс з адным пунктам апоры на крэсле і ўтрымаў цела на руках у «жабе».
Цяпер чытаюць
У дзень пачатку Пецярбургскага эканамічнага форуму УСУ нанеслі дзясятак удараў па нафтавым тэрмінале ў порце горада і базе Балтфлота ў Кранштаце34
Каментары