«Тэлевізар ацанілі ў 20 рублёў»: усю маёмасць старшыні партыі БНФ Рыгора Кастусёва апісалі
На гэтым тыдні старшыня Партыі БНФ Рыгор Кастусёў атрымаў цэлы стос лістоў з аддзела прымусовага выканання Шклоўскага раёна па нясплаце штрафа за ўдзел у акцыях супраць інтэграцыі з Расіяй, што праходзілі ў Мінску ў снежні мінулага года. А 26 мая судовыя выканаўцы апісалі маёмасць палітыка, піша «Радыё Рацыя».
«Штраф быў 810 рублёў і ў дадатак да гэтага судовыя выканаўцы яшчэ налічылі 81 рубель. Мне паведамілі, што накладзены арышт на карыстанне гаражом і машынай, а сёння апісалі ў кватэры частку маёмасці: тэлевізар, халадзільнік, пральную машыну, канапу, крэслы і стацыянарны тэлефон. Мяне азнаёмілі з пратаколам, але маёмасць не забіралі, яна знаходзіцца ў кватэры як быццам на захаванні з першасным правам на продаж», — сказаў сп. Кастусёў.
«Напрыклад, тэлевізар ацанілі ўсяго ў 20 рублёў, пральную машыну — у 70 рублёў… Агульны кошт арыштаванай маёмасці складае 430 рублёў. Цэны проста смешныя!», — дадаў ён.
Кіраўнік партыі БНФ звярнуўся да сяброў, просячы дапамогі, каб аплаціць хаця б палову штрафа ў растэрміноўку.
«Падключыліся і блогеры, і мае намеснікі ў партыі… Будзем збіраць па капейцы, хто колькі можа. Раней, калі я працаваў і займаўся бізнэсам, такая сума не была б для мяне праблемай, але зараз крыху іншыя часы. Цяпер жа я на пенсіі», — кажа ён.
Цяпер чытаюць
«На выбарах прэзідэнта я б галасаваў за Латушку». Гутарка з патэнцыйным спікерам КР Арцёмам Бруханам — пра смерць маці, татуіроўкі і Мельнікаву8
«На выбарах прэзідэнта я б галасаваў за Латушку». Гутарка з патэнцыйным спікерам КР Арцёмам Бруханам — пра смерць маці, татуіроўкі і Мельнікаву
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў11
Каментары