Новаабраны Папа звярнуўся да вернікаў з балкона базылікі святога Пятра.
У сваім першым нядзельным бласлаўленні з балкона сабора святога Пятра Папа Леў XIV заклікаў да справядлівага і трывалага міру ва Украіне.
Таксама ён заклікаў да неадкладнага спынення агню ў Газе з вызваленнем закладнікаў і бесперашкоднай дастаўкай гуманітарнай дапамогі, піша AP.
«Ніколі больш вайны!» — абвясціў Леў, звяртаючыся да натоўпу на плошчы святога Пятра.
Успамінаючы 80-ю гадавіну сканчэння Другой сусветнай вайны ў Еўропе, ён працытаваў словы папярэдняга пантыфіка Францішка, які называў сучасныя канфлікты «Трэцяй сусветнай вайной па частках».
Натоўп, у якім было шмат удзельнікаў аркестраў, што прыехалі ў Рым на юбілейныя выходныя, бурна адрэагаваў апладысментамі, музыкай і сцягамі з усяго свету. Гэта быў першы раз, калі Папа Леў XIV зноў з’явіўся на балконе пасля свайго гістарычнага з’яўлення там у чацвер ноччу, калі ён быў абраны 267-м пантыфікам у гісторыі Касцёла.
Раніцай у нядзелю Леў адслужыў прыватную імшу каля магілы святога Пятра разам з кіраўніком свайго ордэну аўгустынцаў — айцом Алехандра Маралам Антонам. Імша праходзіла ў гротах пад базылікай — традыцыйным месцы пахавання святога Пятра, якога лічаць першым Папам.
Гэтыя гроты, звычайна адкрытыя для публікі, таксама ўтрымліваюць магілы іншых пантыфікаў, у тым ліку Бенедыкта XVI.
У суботу Леў памаліўся каля магілы Папы Францішка, якая знаходзіцца ў базыліцы Санта-Марыя-Маджора на другім баку горада.
Пасля выбараў новага Папы свет абляцела ягонае нефармальнае ФОТА конна
Папа Леў XIV: амерыканскі місіянер у Перу, які крытыкаваў віцэ-прэзідэнта ЗША. Што вядома пра новага Папу
Інтранізацыя Папы Льва XIV пройдзе 18 мая
Леў XIV: Бог любіць нас, зло не пераможа
Ціханоўская — новаму Папу: Ваша слова можа стаць голасам падтрымкі для нашых палітвязняў
Трамп усцешыўся, што Папам абралі амерыканца
Новым Папам абвясцілі амерыкана-перуанскага кардынала Роберта Прэво
Цяпер чытаюць
Бабарыка тры хвіліны адказваў на пытанне, чый Крым. Так і не адказаў89
Каментары