Доля расходаў на харчаванне ў беларускіх хатніх гаспадарках складае 39,2%, паведамляе Белстат.
Белстат правёў выбарачнае абследаванне ўзроўню жыцця хатніх гаспадарак і высветліў, што ў I квартале 2020 годзе аб'ём наяўных сродкаў беларускіх сем'яў складаў 1 400,9 рубля ў месяц, прычым у гарадах і пасёлках — 1 495,1 рубля ў месяц, а ў сельскай мясцовасці — 1 153,3 рубля ў месяц.
Грашовыя расходы на адну хатнюю гаспадарку разлічаны ў памеры 1 331,9 рубля ў месяц, з якіх 995,5 рубля, ці 74,7%, прыйшлося на спажывецкія выдаткі.
Найбольшую частку спажывецкіх выдаткаў у беларусаў склала харчаванне (39,2%), на нехарчовыя тавары беларускія сем'і трацілі 31,7%, а на аплату паслуг сышло 26,3% ад агульнага аб'ёму выдаткаў.
Каментары