У Чавускім раёне п'яны кіроўца спрабаваў схавацца ад ДАІ і збіў афіцэра ВІДЭА
Як паведамляе МУС, у Чавускі РАУС патэлефанаваў відавочца і паведаміў, што ён бачыць аўтамабіль Mazda, кіроўца якога можа быць п'яны.
Супрацоўнікі ДАІ арганізавалі пераслед аўтамабіля, кіроўца ігнараваў патрабаванні аб спыненні. Хуткасць падчас руху дасягала 160 км/гадзіну. Тым не менш, у нейкі момант парушальнік не змог абагнаць уседарожнік з прычэпам і быў вымушаны спыніцца.
Супрацоўнікі ДАІ спрабавалі затрымаць мужчыну і падбеглі да машыны. Адзін з інспектараў трапіў у салон з боку пасажыра. У гэты момант вадзіцель выкруціў руль і націснуў на педаль газу, збіўшы яго напарніка: супрацоўнік апынуўся на капоце, стукнуўся аб лабавое шкло, пасля чаго яго адкінула на абочыну.
На шчасце, абышлося без сур'ёзных траўмаў.
Кіроўца праехаў яшчэ некалькі дзясяткаў метраў, аднак у выніку барацьбы міліцыянер у салоне выцягнуў ключ з замка запальвання і машына спынілася.
За рулём знаходзіўся 36-гадовы жыхар Крычава. Мужчыну затрымалі. Экспертыза паказала, што ў яго крыві было 2,53 праміле алкаголю.
Цяпер чытаюць
«Я еду натхніцца ўкраінцамі». Святлана Ціханоўская пачала афіцыйны візіт ва Украіну2
Каментары