Вядомы блогер Сяргей Ціханоўскі ў вялікім інтэрв'ю расійскаму «Коммерсанту» распавёў, як ён збіраецца супрацьстаяць Лукашэнку да і пасля выбараў, прызначаных на 9 жніўня, а таксама выказаў сваё меркаванне наконт адносін Беларусі з суседзямі.
Фота Надзеі Бужан.
«Для мяне вельмі важна, каб вы напісалі, што расейцы — нашы сябры, нашы браты, сваякі. Вельмі шмат сваякоў у Бранскай, Маскоўскай абласцях. Частка з іх — гэта беларусы, якія з'ехалі і жывуць там. Мы не супраць Расеі, мы проста супраць нашага дыктатара і робім усё, каб ён сышоў. І ў нас былі сумленныя выбары ў краіне. Гэта самае галоўнае для мяне і ўсіх беларусаў, якія нас падтрымліваюць. І ў нас няма ніякіх тут бандэраўцаў, нацыяналістаў, ніводнага чалавека. Гэты таксама момант неяк улічыце», — сказаў расійскаму журналісту Ціханоўскі.
У той жа час ён адзначыў, што «нам і палякі не ворагі, і ўкраінцы, і Латвія, і Літва, гэта нашы суседзі, у нас з імі даўнія сувязі, і мы будзем сябраваць».
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)