Беларускія дзіцячыя кардыяхірургі прааперавалі хлопчыка, што перанёс чатыры аперацыі
Беларускія дзіцячыя кардыяхірургі правялі ўнікальную і першую ў свеце аперацыю. Аперацыю Сашы дактары выканалі на трохстворкавым клапане — кансіліум паказаў, што парушэнне працы гэтага клапана прывяло да зніжэння насычэння кіслародам і ставіла пад пагрозу жыццё дзіцяці, паведамляе Мінздароўя ў сваім тэлеграм-канале.
Гэты клапан трэба было тэрмінова замяніць альбо правесці яго пластыку.
«З-за таго, што хлопчык ужо перанёс 4 аперацыі, выкананне адкрытай аперацыі мела высокую рызыку. Для выратавання жыцця дзіцяці мы прынялі рашэнне правесці ўнікальную аперацыю — пратэзаванне трохстворкавага клапана з выкарыстаннем сучасных малатраўматычных методык эндаваскулярнай хірургіі», - тлумачыць дырэктар РНПЦ дзіцячай хірургіі Канстанцін Драздоўскі.
Паводле яго слоў, штучны біялагічны клапан сэрца Melody быў паспяхова ўсталяваны ў трохстворкавы клапан дзіцяці праз невялікі катэтар у сцёгнавай вене, што дазволіла пазбегнуць адкрытай аперацыі ва ўмовах штучнага кровазвароту.
Цяпер чытаюць
«Хачу ўзяць інтэрв’ю» — «Не» — «Давайце я вас сфатаграфую» — «Не». Бяляцкі расказаў пра сустрэчу ў калоніі з Пратасевічам1
Каментары