У Гродне жанчына нарадзіла ў гандлёвым цэнтры. Ёй дапамагала прыбіральшчыца
Здарэнне адбылося 7 чэрвеня ў ГЦ «Ветразь» у Гродне. Жанчына самастойна нарадзіла, ёй дапамагала калега, піша hrodna.life.
Гэта шостае дзіця Алены і першае датэрміновае. Яна нарадзіла на восьмым месяцы цяжарнасці. Пра цяжарнасць Алены на працы амаль ніхто не ведаў.
«Я сама не чакала, што ўсё так адбудзецца, — кажа Алена. — Рэзка пачаліся схваткі, і мне выклікалі хуткую. Не дачакаўшыся медыкаў, я пачала нараджаць у адміністратарскай гандлёвага цэнтра».
Алена кажа, што дзіця выйшла само, яно было вельмі маленькім. Дапамагалі жанчыне калегі: прыбіральшчыца і адміністратар гандлёвага цэнтра.
«Калі прыехалі медыкі, яны аператыўна дапамаглі мне і малому. Адрэзалі пупавіну і адвезлі нас у бальніцу. Нарадзіўся хлопчык, назвалі Мікіта. Такое імя прыдумаў бацька малога».
Маці і дзіця знаходзяцца ў бальніцы. Дактары паведамілі маці, што дзіця здаровае, але пакуль што яму трэба дыхаць праз кіслародную маску.
Калега парадзіхі, якую таксама завуць Алена, кажа, што прымала роды ўпершыню ў жыцці.
«У асноўным яна ўсё сама зрабіла. Стала на каленкі і пачала нараджаць. З'явілася галоўка і далей я ўжо дапамагала. Дзіця паклала на халат і трымала пупавіну, а неўзабаве прыйшлі медыкі і дапамаглі. Я хоць і пенсіянерка, але ўпершыню ў жыцці з такім сутыкнулася. Да гэтага часу дрыжу».
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны29
Каментары