Фінансавы махляр, які можа ведаць формулу «Навічка», можа хавацца ад нямецкага правасуддзя ў Беларусі — СМІ
Яна Марсалека шукаюць цяпер ці не найбольш ва ўсім свеце. Нямецкая кампанія Wirecard, якой ён кіраваў, у мінулым месяцы абвалілася пасля таго, як аўдытары звярнулі ўвагу на дзірку ў балансе ў памеры 2 мільярдаў еўра. 40-гадовы грамадзянін Аўстрыі Ян Марсалек, які лічыцца ключавым звяном ашуканскай схемы, бясследна знік. Сайт даследчыкаў Bellingcat піша, што ён вылецеў у Беларусь.
Улады Германіі і Аўстрыі шукаюць Яна Марсалека па абвінавачванні ў махлярстве і растраце.
Акрамя таго, следчыя высветлілі, што расійскія іміграцыйныя запісы і звесткі, якія захоўваюцца ў ФСБ Расіі, сведчаць пра тое, што расійская спецслужба даўно цікавілася Марсалекам, які выкарыстаў некалькі розных пашпартоў, у тым ліку дыпламатычны пашпарт трэцяй краіны для наведвання Расіі дзясяткі разоў за апошнія 15 гадоў.
Марсалек таксама выхваляўся, што ў яго была поўная формула яду «Навічок», якім атруцілі Скрыпалёў.
Калі Марсалек стаў падазраваным у афёры, ён не стаў чакаць арышту і паляцеў з Нямеччыны. У гутарцы з былым калегам, Марсалека спачувальна спыталі, ці знаходзіцца ён у «палітычна стабільнай абстаноўцы». Марсалек засмяяўся, сказаўшы: «Не хвалюйцеся, ва ўладзе адны і тыя ж людзі апошнія 25 гадоў».
Даследнікі разгледзелі запісы аб перасячэнні межаў Беларусі (тэхнічна Беларусь і Расія маюць агульную знешнюю мяжу, г. зн. база даных адзіная). Журналісты знайшлі адзін запіс Яна Марсалека: яго ўезд у Беларусь на прыватным самалёце быў зарэгістраваны ў першыя хвіліны 19 чэрвеня 2020 года. Паводле памежных звестак, ён не пакінуў краіну пасля гэтага.
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч36
Каментары