Трое сутак правёў у ізалятары баранавіцкі актывіст за аб'яву ў сацсетках пра велапрагулку
Аляксей Шугаеў сцвярджае, што яго абвінавацілі ў арганізацыі несанкцыянаванага масавага мерапрыемства, піша Intex-Press.
Аляксей Шугаеў арганізаваў у 2014 годзе ў Баранавічах супольнасць «Вела Рух» і з тых часоў перыядычна збірае жадаючых на велапрагулкі.
— Увечары 17 ліпеня павінна была адбыцца чарговая «пакатушка», — распавёў Intex-press мужчына. — Аднак у гэты дзень, у абед, мне патэлефанавалі з Баранавіцкага ГАУС і запрасілі для дачы паказанняў: нібыта хтосьці пакінуў у маім аўтамабілі-таксі тэлефон.
Ужо ў аддзяленні, па словах веласіпедыста, яму сказалі, што ў міліцыі ёсць інфармацыя пра тое, што ён размясціў у сацыяльных сетках аб'яву аб несанкцыянаваным масавым мерапрыемстве.
— Я растлумачыў, што збіраю людзей — прыхільнікаў здаровага ладу жыцця — для велапрагулкі, як рабіў гэта заўсёды. Але супрацоўнікі міліцыі адказалі, што маё мерапрыемства не санкцыянавана і для яго правядзення трэба ўзгадненне з гарвыканкамам. Хоць да гэтага дазвол ніколі не патрабаваўся. Шэсць гадоў мы каталіся, і ў гэтым не было парушэння закона, — кажа Аляксей Шугаеў.
Паводле яго слоў, яго змясцілі ў ізалятар часовага ўтрымання, дзе ён прабыў трое сутак, а ў панядзелак, 20 ліпеня, адвезлі ў суд.
Разгледзеўшы справу, суддзя адправіла дакументы ў ГАУС «для ліквідацыі недахопаў». Самага Шугаева адпусцілі. Веласіпедыст мае намер абскардзіць сваё затрыманне.
Цяпер чытаюць
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла2
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю3939
Каментары