Прафесар Смалянчук: Ціханоўская мне нагадвае Эмілію Плятэр. А размовы пра «газпромаўскую інтрыгу» — укід, каб раскалоць
«Чаму я падтрымліваю Святлану Ціханоўскую? Па-першае, прываблівае шчырасць і яснасць яе пазіцыі, ключавымі пунктамі якой з’яўляюцца вызваленне палітычных вязняў і правядзенне новых свабодных выбараў без Ярмошынай, — напісаў у сябе ў фэйсбуку доктар гістарычных навук Аляксандр Смалянчук.
Па-другое, захапляе мужнасць жанчыны, палітычны выбар якой карэнным чынам змяніў яе жыццё, прывёў да расстання з дзецьмі і зрабіў няпэўнай паслявыбарчую будучыню», — піша прафесар.
«Прыгадваецца гераічны вобраз ураджэнкі Віцебшчыны Эміліі Плятэр, якая не толькі далучылася да Лістападаўскага паўстання 1830 г., але нават узначаліла атрад інсургентаў і атрымала званне капітана».
«Ніколі раней у нашай краіне не назіралася такога масавага непрыняцця ўлады і ніколі не быў настолькі відавочным дысананс словаў і дзеянняў прэзідэнта і ягонага атачэння не толькі з агульначалавечымі каштоўнасцямі і прыярытэтамі сусветнага развіцця, але нават з элементарнымі нормамі культуры і выхавання, — адзначае гісторык. — Сёння «лукашэнкаўскі фармат» дзяржаўнасці ў вялікай часткі грамадства выклікае адкрытую агіду і абурэнне. «Перафарматаванне» сталася першачарговай задачай для мільёнаў людзей. Сімвалічна, што найбольш голасна пра гэты канец абвясцілі тры беларускія жанчыны — Святлана Ціханоўская, Марыя Калеснікава і Вераніка Цапкала».
Прафесар Смалянчук адзначае, што не верыць у запушчаную качку пра «газпромаўска-ціханоўскую інтрыгу» супраць беларускай дзяржаўнасці.
«Падмурак дзяржаўнасці найбольш разбурае палітычны курс Лукашэнкі, вынікам якога стала вялізная залежнасць гаспадаркі ад расейскай сыравіны і паспяховы працяг русіфікацыі», — піша Смалянчук. «Новы прэзідэнт — гэта новыя магчымасці для развіцця адносінаў і з Захадам, і з Усходам. Стаць прэзідэнтам дзеля ліквідацыі краіны, народ якой цябе абраў, здаецца, такога яшчэ не ведала сусветная гісторыя», — тлумачыць гісторык.
«Тым, каму не хапае ўласна беларускай культурніцкай складовай у дзеяннях новай апазіцыі, прапаную далучыцца да яе атрада і такім чынам выправіць сітуацыю. Жыве Беларусь!» — дадае Алесь Смалянчук.
-
«Мне казалі: ты гаворыш як канадскі эмігрант». Сяргей Шупа расказаў пра Вільню 90-х, параўнанне літоўскай літаратуры з беларускай і адрозненні паміж народамі
-
Лукашэнка паводзіць сябе ў «макдональдсе» як у савецкай сталоўцы. І думае, што гэта крута
-
Пуцін ужо павіншаваў Маджтабу Хаменеі, а Лукашэнка не. Чаго чакае?
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2323
Каментары