Па-сямейнаму. Заходняе турнэ Ціханоўскай пачалося з абедзеннага мітынгу ў Смаргоні ВІДЭА, ФОТА
Аб'яднаны штаб у складзе Святланы Ціханоўскай, Марыі Калеснікавай і Веранікі Цапкала сёння наведвае Смаргонь, Маладзечна і Ліду. Мітынг у Смаргоні пачаўся а 13-й.
Па стане на 13:40 у парку імя Сініцкага сабралася больш за 1100 чалавек. Прычым візуальна жанчын тут значна болей, чым мужчын.
Вось кароткае відэа:
Увогуле, у Смаргоні ўсё адбывалася неяк па-сямейнаму, паведамляюць карэспандэнты «Нашай Нівы».
Вось відэастрым:
Смаргонь — 36-тысячны горад на паўночным захадзе Беларусі.
Нацыянальных сцягоў больш, чым дзяржаўных.
«Трэба мяняць гэтую ўладу!» — сказаў карэспандэнту «Нашай Нівы» жыхар Смаргоні Вадзім Пракаповіч.
Пракаповіч прыйшоў на сустрэчу са Святланай Ціханоўскай у дэсантнай форме. Ён скончыў службу ў 2015 годзе.
Вадзім Пракаповіч негатыўна ацаніў вынікі кіравання Аляксандра Лукашэнкі. Па ягоных ацэнках, большасць будзе галасаваць супраць дзейнага кіраўніка дзяржавы.
Жыхар Смаргоні Васіль расказвае, чаму прыйшоў на мітынг. Глядзіце кароткае відэа:
Пачаў імжэць дождж.
Чарга на мітынг:
У 15:30 павінен адбыцца мітынг у Маладзечне. А ўвечары — патэнцыйна найбольш значны сход сённяшняга дня — у Лідзе.
70 тысяч чалавек выйшлі на мітынг у падтрымку Ціханоўскай у Мінску
Цяпер чытаюць
Андрэй Швед, архітэктар рэпрэсій, прызначаны старшынёй Вярхоўнага суда13
Каментары