жыхарка Нясвіжа асуджана на 20 гадоў пазбаўлення волі
Пракуратура Мінскай вобласці падтрымала дзяржаўнае абвінавачанне па крымінальнай справе ў дачыненні да 27‑гадовай жыхаркі Нясвіжа, якая абвінавачваецца ў забойстве чатырохгадовай дачкі.
Злачынства было ўчынена ў снежні 2008 года.
Як паведаміла БелаПАН старшы памочнік абласнога пракурора Таццяна Калініна, згодна з прад’яўленым абвінавачаннем жанчына
нанесла дзіцяці не менш як 46 удараў рукамі і драўлянай палкай па галаве і іншых частках цела, у выніку чаго дзяўчынка памерла ад цяжкага шоку і страты крыві.
Мінскі абласны суд прыгаварыў абвінавачваную за катаванне і наўмыснае забойства да 20 гадоў пазбаўлення волі. Прыгавор пакуль не ўступіў у законную сілу, паколькі на яго пададзена касацыйная скарга.
Як раней паведамляў БелаПАН, прычынай для жорсткага збівання, паводле слоў абвінавачванай, з’явіліся няправільныя паводзіны дачкі пасля нараджэння ў яе ў лістападзе 2008 года сына ад новага сужыцеля. Дзеянні жанчыны кваліфікаваліся па пп. 2 і 6 ч. 2 арт. 139 КК як наўмыснае забойства заведама малалетняга з асаблівай жорсткасцю.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары