Штаб Бабарыкі пракаментаваў сюжэт БТ пра фінансаванне масавых беспарадкаў
Сёння на БТ было заяўлена, што штаб Бабарыкі можа быць датычны да фінансавання масавых беспарадкаў.
Штаб адказвае:
1. Штаб Віктара Бабарыкі і ўсе прадстаўнікі штаба, упаўнаважаныя рабіць публічныя заявы, заўсёды казалі аб выкарыстанні толькі законных і мірных дзеянняў у рамках выбарчай кампаніі і па-за яе межамі.
2. Мы сапраўды за апошнія дні страцілі сувязь з многімі валанцёрамі. Аб пяцярых з іх у нас ёсць інфармацыя пра іх затрыманне.
3. Мы неаднаразова заяўлялі аб неабходнасці спынення гвалту і лічым, што адказнасць за тое, што адбываецца, ляжыць на беларускіх уладах.
У пратэстаў няма каардынатараў і лідараў, яны ўзнікаюць стыхійна ва ўсіх гарадах як рэакцыя на падман, хамства і прымяненне гвалту з боку ўлады.
Беларусаў падманулі і іх абурэнне цалкам вытлумачальна.
Гвалт ўжываюць улады і мы заклікаем іх адмовіцца ад прымянення сілы і рэпрэсій у дачыненні да мірных грамадзян і не ладзіць майданы на вуліцах гарадоў.
Мы за мірную і стабільную Беларусь. Усім беларусам патрэбна багатая, спакойная і мірная краіна, дзе да выбару грамадзян будуць ставіцца з павагай.
Цяпер чытаюць
За мінулы год насельніцтва Беларусі скарацілася яшчэ на 53 тысячы чалавек15
Каментары