За мінулыя суткі беларусы паведамілі пра паўтысячы выпадкаў тэлефоннага махлярства
За мінулыя суткі ў органы ўнутраных спраў Беларусі паступіла каля 500 паведамленняў пра тэлефонныя званкі ад ашуканцаў, паведамляе прэс-служба МУС.
Паводле інфармацыі сілавікоў, дзякуючы аператыўным дзеянням міліцыі і пільнасці грамадзян удалося прадухіліць большасць спроб махлярства. Пры гэтым было зарэгістравана 46 злачынстваў, учыненых з выкарыстаннем інфармацыйна-камунікацыйных тэхналогій.
Аддзел арганізацыі апрацоўкі махлярскіх аперацый МУС за гэты час ініцыяваў блакіроўку дзесяці фішынгавых інтэрнэт-рэсурсаў, якія імітавалі сапраўдныя інтэрнэт-крамы, банкі або іншыя сэрвісы. Акрамя таго, была заблакаваная магчымасць правядзення плацяжоў на карысць 70 замежных плацежных рэквізітаў, якімі карысталіся махляры, а таксама прыпыненыя расходныя аперацыі па 99 банкаўскіх рахунках.
Супрацоўнікі міліцыі таксама затрымалі двух кур'ераў, якія, паводле звестак следства, працавалі на тэлефонных ашуканцаў. Падчас затрымання ў іх канфіскавалі каля 70 тысяч рублёў.
Па інфармацыі МУС, найбольш распаўсюджанай схемай застаюцца тэлефонныя званкі, калі зламыснікі выдаюць сябе за службовых асоб. Далей паводле колькасці выпадкаў ідуць махлярствы пры куплі тавараў праз інтэрнэт, крадзяжы з выкарыстаннем сацыяльных сетак і падман пад выглядам інвестыцый або гандлю на фінансавых біржах.
У ведамстве адзначылі, што праца па выяўленні і спыненні дзейнасці інтэрнэт-махляроў працягваецца. Грамадзянам нагадваюць, што прапановы хуткага і лёгкага заробку або куплі тавараў па падазрона нізкіх цэнах у інтэрнэце часта аказваюцца махлярскімі схемамі. Пры атрыманні падазроных тэлефонных званкоў у МУС раяць адразу спыняць размову і паведамляць пра гэта ў міліцыю па нумары 102.
У Мінску затрымалі расійскага арганізатара буйной махлярскай схемы з «папяровым ПДВ». Што за яна?
«Не змагла адмовіць сабе ў задавальненні патроліць». Як беларусы размаўляюць з тэлефоннымі аферыстамі
Пара з Гродна прыехала ў Мінск, каб аддаць аферыстам усе грошы
Спакуснік з Каўказа пад выглядам «спецназаўца ГРУ» метадычна дурыў беларускую турыстку
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары