У Гомелі, Магілёве, Бабруйску, Баранавічах, Старых Дарогах іншых гарадах сёння і заўтра збіраюць бюджэтнікаў на мітынгі за Лукашэнку.
Ва ўмовах, калі грамадства электрызаванае, на гэтыя самыя мітынгі могуць масава прыйсці і праціўнікі Лукашэнкі і цалкам змяніць іх сцэнар.
16 жніўня мітынг за Лукашэнку ў Мінску прайшоў у акружэнні сілавога кардону, у рэгіянальных гарадах такіх рэсурсаў для аховы няма.
Мітынг за Лукашэнку ў Мінску таксама стаў дадатковым фактарам мабілізацыі жыхароў сталіцы на Марш свабоды, які ў выніку сабраў у 20 разоў больш удзельнікаў, чым афіцыйны, і стаў самым вялікім у гісторыі краіны.
А ўчора наймацнейшым псіхалагічным ударам стала абструкцыя, зробленая Лукашэнку работнікамі МЗКЦ. Ён ехаў на завод, які лічыў аплотам сваёй падтрымкі, а атрымаў у твар не толькі скандаванне «Ухадзі!», але і жорсткія маты, і выкрык «Афіцэр? Застрэлься!» Увесь свет правёў паралелі з апошнімі днямі Чаўшэску.
Цяпер чытаюць
Сын Сяргея Бульбы збірае грошы ў Польшчы, прыдумаўшы сабе біяграфію ветэрана і палітычнага ўцекача28
Каментары