На палігоне «Брэсцкі» пройдуць сумесныя беларуска-расійска-сербскія вучэнні
На палігоне «Брэсцкі» 38-й асобнай дэсантна-штурмавой брыгады пройдзе штогадовае шматнацыянальнае беларуска-расійска-сербскае тактычнае вучэнне «Славянскае братэрства-2020» пад кіраўніцтвам камандуючага сіламі спецыяльных аперацый Узброеных сіл Беларусі, паведамляе Мінабароны ў сваім тэлеграм-канале.
У вучэнні прымуць удзел падраздзяленні Узброеных сіл Беларусі, Расіі і Сербіі, якія складуць шматнацыянальную тактычную групу.
На вучэннях вайскоўцы адпрацуюць пытанні сумесных дзеянняў падраздзяленняў пры выкананні задач па барацьбе з тэрарызмам.
Вучэнні «Славянскае братэрства» праходзяць штогод на тэрыторыях краін-удзельніц. У мінулым годзе манеўры праходзілі ў Сербіі, у гэтым годзе яны пройдуць у Беларусі.
Прыбыццё ўдзельнікаў вучэнняў у Беларусь запланавана з 10 па 15 верасня.
«Лукашэнка мне сказаў: «Хочаш — можаш адказаць нам, ударыць па Мазыры, па заводзе» — Зяленскі32
Каментары