Літва з наступнага тыдня спрашчае выдачу нацыянальных віз беларусам
Міністэрства замежных спраў Літвы спросціць выдачу нацыянальных віз беларускім грамадзянам, яны будуць выдавацца на паўгода і пры афармленні спатрэбіцца мінімальны пакет дакументаў, піша Interfax.by.
Паводле інфармацыі МЗС, з 21 верасня ў Літве да беларусаў будуць прад'яўляцца такія ж умовы выдачы нацыянальных віз, як да грамадзян Аўстраліі, Японіі, Злучанага Каралеўства, Злучаных Штатаў Амерыкі, Канады, Новай Зеландыі і Паўднёвай Карэі.
Таксама беларусы павінны будуць прадставіць доказ сваёй фінансавай забяспечанасці — сродкі на тры месяцы, альбо абавязацельства юрыдычнай асобы па забеспячэнні такіх сродкаў.
Мяркуецца, што спрошчаны візавы рэжым будзе дзейнічаць да 21 сакавіка 2021 года.
«Літоўская дыпламатычная служба здольная забяспечыць зладжаны і хуткі працэс выдачы віз без стварэння бюракратычных і адміністрацыйных перашкод», — заявіў кіраўнік літоўскага МЗС Лінас Лінкявічус.
У сваю чаргу міністр унутраных спраў Літвы Рыта Тамашунене паведаміла, што для паскарэння працэдур выдачы віз Дэпартамент міграцыі пачне разглядаць просьбы высокакваліфікаваных спецыялістаў з Беларусі яшчэ да іх прыбыцця ў Літву.
«У дадзены момант самае важнае — забяспечыць зладжаны працэс рэалізацыі працэдур», — сказала Тамашунене.
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары