Літва, як і Еўрапейскі саюз, не прызнае вынікі праведзеных у жніўні прэзідэнцкіх выбараў у Беларусі, а такім чынам не можа лічыць Аляксандра Лукашэнку законным лідарам, абраным народам. Пра гэта TUT.BY заявілі ў МЗС Літвы.
Сейм Літвы 10 верасня выпусціў рэзалюцыю, у якой экс-кандыдат у прэзідэнты Беларусі Святлана Ціханоўская і Каардынацыйная рада названая адзінымі законнымі прадстаўнікамі беларускага народа. Таксама ў рэзалюцыі Аляксандр Лукашэнка названы «нелегітымным беларускім лідарам».
У МЗС Літвы адзначаюць, што Літву і Беларусь звязвае не толькі геаграфічнае суседства.
— Наша краіна адчувае эмацыйную блізкасць з людзьмі, якія вядуць барацьбу за сваю свабоду ў Беларусі. Мы ведаем, што супраць гэтых людзей прымяняецца сіла, яны падвяргаюцца катаванням. Літва, як і Еўрапейскі саюз у цэлым, не мае маральнага права заставацца ў баку ва ўмовах, калі відавочным чынам фальсіфікуюцца выбары, адбываюцца маштабныя парушэнні правоў чалавека і парушаюцца дэмакратычныя каштоўнасці ў Беларусі, — гаворыцца ў каментары замежнапалітычнага ведамства.
У МЗС лічаць, што адзіны шлях пераадолення палітычнага крызісу — пачатак дыялогу з грамадзянскай супольнасцю, якое прадстаўляе Святлана Ціханоўская і Каардынацыйная рада.
— Мы лічым Святлану Ціханоўскую нацыянальным лідарам Рэспублікі Беларусь. Літва зацікаўлена ў развіцці ўсебаковых добрасуседскіх адносін са свабоднай, суверэннай і дэмакратычнай Беларуссю, — заявілі ў МЗС.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда16
Каментары