Міністр абароны падзякаваў Сяргею Шайгу за падтрымку Расіяй у «складаны перыяд»
Міністр абароны Беларусі Віктар Хрэнін у ходзе сустрэчы ў Мінску з расійскім калегам Сяргеем Шайгу ў сераду выказаў падзяку ваенна-палітычнаму кіраўніцтву РФ за падтрымку, аказаную ў складаны перыяд, паведамляе тэлеграм-канал Мінабароны.
«Падчас перамоў кіраўнік беларускага абароннага ведамства падкрэсліў важнасць цеснага ўзаемадзеяння дзвюх краін у ваеннай сферы, асабліва ў складанай ваенна-палітычнай абстаноўцы, а таксама выказаў падзяку ваенна-палітычнаму кіраўніцтву Расійскай Федэрацыі за падтрымку, аказаную Рэспубліцы Беларусь у гэты складаны перыяд», — гаворыцца ў паведамленні ў Telegram-канале Мінабароны Беларусі.
Бакі абмеркавалі ход рэалізацыі плана супрацоўніцтва паміж Мінабароны дзвюх краін, напрыклад, правядзенне першага этапу вучэння «Славянскае братэрства-2020», якое праходзіць пад Брэстам з 14 верасня, а таксама гатоўнасць да другога этапу гэтых вучэнняў у канцы верасня.
Зараз беларускія вайскоўцы прыбылі ў Астраханскую вобласць на стратэгічныя камандна-штабныя вучэнні «Каўказ-2020».
Акрамя таго, з 12 па 16 кастрычніка на тэрыторыі Беларусі пройдуць камандна-штабныя вучэнні з міратворчымі сіламі АДКБ «Непарушнае братэрства-2020».
-
«Калі ты знаходзішся сам-насам з сабой, хочацца расплакацца, успамінаючы ўсё». Ірына Шчасная пра жыццё на волі і валанцёрства ва Украіне
-
Прадпрымальнік, звязаны з атачэннем Лукашэнкі, валодае адным з самых дарагіх рэстаранаў у Вільні і гатэлем у Троках
-
Дашкевіч чакае ад Бабарыкі і Калеснікавай публічнага прызнання памылак
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць10
Каментары