«Мір, дыялог, пазбяганне гвалту»: новы апостальскі нунцый звярнуўся да духавенства і вернікаў Беларусі
Арцыбіскуп Антэ Ёзіч / Vatican News
Падчас свайго біскупскага пасвячэння, якое адбылося 16 верасня, арцыбіскуп Антэ Ёзіч звярнуўся са словамі прывітання да духавенства і вернікаў Касцёла ў Беларусі, які, як адзначыў, «цяпер перажывае складаныя часы», піша catholic.by.
Апостальскі нунцый у Беларусі паабяцаў сваё «малітоўнае супрацоўніцтва» для вырашэння ўсіх праблем краіны «з дапамогай міру, дыялогу і салідарнасці, пазбягаючы любога насілля».
«Малюся да Дзевы Марыі, каб заўсёды натхняла вас, дапамагала ў цяжкія моманты вашага жыцця», — сказаў іерарх.
Біскупскае пасвячэнне адбылося ў Соліне (Харватыя). Удзяліў пасвячэнне Дзяржсакратар Папы Францішка кардынал П'етра Паралін.
Папа Францішак прызначыў Антэ Ёзіча Апостальскім нунцыем [г.зн. паслом Bатыкана] у Беларусі 21 мая.
Апостальскімі нунцыямі ў Беларусі ў розны час былі калумбіец Габрыэль Мантальва, італьянец Агасціна Маркета, славенец Іван Юркавіч, славак Дамінік Грушоўскі, харват Марцін Bідавіч, італьянец Клаўдыа Гуджэроці, венгр Габар Пінтэр.
Антэ Ёзіч — харват. 2 лютага 2019-га папа прызначыў яго апостальскім нунцыем у Кот-д’Івуары і тытулярным арцыбіскупам Цысы. Біскупскае пасвячэнне яму павінен быў уручыць 1 мая летась кардынал дзяржсакратар П'етра Паралін. Аднак 7 красавіка 2019 года Антэ Ёзіч трапіў у аўтамабільную аварыю каля Спліта, пасля якой апынуўся ў бальніцы і быў у крытычным стане. Другі раз біскупскае пасвячэнне адклалі праз пандэмію.
Чытайце таксама:
У Беларусі прызначаны новы апостальскі нунцый
-
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
-
«Байсол» абвінаваціў Стрыжака ў адмове перадаць кантроль над юрыдычнымі асобамі ў Польшчы і ЗША
-
Дэпартаваным палітвязням, каб абжыцца на новым месцы, зараз трэба простыя рэчы: вопратка, посуд, пасцель — збор
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам8
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1818
Каментары