КДК распачаў крымінальную справу ў дачыненні да супрацоўнікаў «Белцяжмаша», дзе здымаў офіс штаб Бабарыкі
Дэпартаментам фінансавых расследаванняў Камітэта дзяржаўнага кантролю распачата крымінальная справа ў дачыненні да службовых асоб ЗАТ «Белцяжмаш». Гэтую інфармацыю пацвердзілі ў афіцыйным тэлеграм-канале КДК, піша Tut.by.
«За ўхіленне ад выплаты сум падаткаў у асабліва буйным памеры ў дачыненні да службовых асоб ЗАТ «Белцяжмаш» распачата крымінальная справа па частцы 2 артыкула 243 Крымінальнага кодэкса Беларусі», — сказана ў паведамленні.
Сума нявыплачаных падаткаў склала больш за 6 млн рублёў.
Па падазрэнні ў здзяйсненні злачынства затрымалі 5 асоб, у тым ліку кіраўніка таварыства. Праводзяцца следчыя дзеянні.
Адметна, што штаб Віктара Бабарыкі здымаў офіс у будынку па вул. В. Харужай, 25/1, які здае ў арэнду група кампаній «Белцяжмаш». Пазней там была і Каардынацыйная рада апазіцыі. На мінулым тыдні ў гэты офіс наляцелі сілавікі, правялі ператрус, канфіскавалі тэхніку і дакументы, а памяшканне апячаталі.
Каментары