Ціханоўская пра ціск на спартсменаў: Даю гарантыю, што правяду эканамічную амністыю
Святлана Ціханоўская пракаментавала ціск на Мікалая Казеку, якога пазбавілі імянной стыпендыі, і ўсіх спартсменаў Беларусі.
«Мікалай Казека — нязменны галоўны трэнер нацыянальнай каманды Беларусі па фрыстайле з 1993 года. Ён выхаваў некалькіх алімпійскіх чэмпіёнаў. Ён у прафесіі даўжэй, чым Лукашэнка ва ўладзе. Але сёння ў яго адабралі імянную прэзідэнцкую стыпендыю і запатрабавалі вярнуць грошы за цэлы год. Гэта прамы ціск на спартсменаў і асабіста на Мікалая Іванавіча за тое, што ён сказаў аб недапушчальнасці гвалту ў адносінах да мірных грамадзян.
Людзей звальняюць, пазбаўляюць званняў і сродкаў да існавання, якія яны зарабілі сумленнай і цяжкай працай, — у адрозненне ад так званай «улады».
Цяпер шматлікіх спартсменаў абавязваюць выплачваць грошы за навучанне. Я асабіста даю гарантыю, што правяду эканамічную амністыю ўсім спартсменам, якіх шантажуюць такім нізкім спосабам. Нервовая агонія рэжыму прымушае яго прымаць падобныя рашэнні. Але нашу салідарнасць ужо не зламаць!»
Цяпер чытаюць
«Калі пасадзяць зноў, то пасяджу». Пачобут пра сваё вызваленне, камеры смяротнікаў, бітву за гонар у судзе і жаданне вярнуцца13
«Калі пасадзяць зноў, то пасяджу». Пачобут пра сваё вызваленне, камеры смяротнікаў, бітву за гонар у судзе і жаданне вярнуцца
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары