Колькасць затрыманых у Беларусі перавысіла колькасць інтэрнаваных у Польшчы часоў «Салідарнасці»
З улікам затрымання 442 чалавек на дэманстрацыях 20 верасня і 22 чалавек на «Беларуськаліі» ў Салігорску 21 верасня, усяго ў Беларусі за час прэзідэнцкай кампаніі і пратэстаў супраць фальсіфікацыі выбараў затрымалі каля 12 300 чалавек, што складае 0,13% ад насельніцтва краіны.
Мы атрымалі гэтую лічбу, сплюсаваўшы звесткі Міністэрства ўнутраных спраў за асобныя дні.
Пікам затрыманняў сталі 9-12 жніўня, калі, згодна са звесткамі МУС, затрымалі «больш за» 6700 чалавек (дакладных лічбаў за тыя дні МУС не прадаставіў).
Затрыманых у Беларусі за гэтае лета больш, чым было інтэрнавана ў Польшчы часоў «Салідарнасці» (1980-я). Там за перыяд ваеннага становішча былі інтэрнаваныя 10 123 чалавекі.
Каб людзі ў іншых краінах маглі ўявіць сабе маштабы паліцэйскіх аперацый у Беларусі, у праекцыі на колькасць насельніцтва, дадзеная колькасць затрыманняў адпавядае прыкладна 190 000 у прапорцыі да насельніцтва Расіі, 55 000 — для Польшчы ці Украіны.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары