Гродзенца пазбавілі правоў кіроўцы пасля аварыі з аўтазакам
25 верасня ў ДАІ Гродна на два гады пазбавілі правоў кіроўцы і прызначылі штраф у пяць базавых велічыняў (135 рублёў) Аляксандру Вараб’ёву, які трапіў у ДТЗ з аўтазакам 11 жніўня каля Гродзенскай абласной філармоніі. Вінаватымі ў ДТЗ прызналі таксама кіроўцу аўтазака, але разбіральніцтва з ім спынілі «за малазначнасцю», піша Hrodna.life.
Гарадзенец трапіў у аварыю з аўтазакам каля Гродзенскай абласной філармоніі 11 жніўня падчас мірных пратэстаў. Вараб’ёў, паводле яго слоў, не ўдзельнічаў у акцыі, ён ехаў да мамы на вуліцу Суворава.
Пасля ДТЗ мужчына выйшаў агледзець пашкоджанні аўтамабіля і папрасіў выклікаць ДАІ. Яго жорстка затрымаў АМАП. Пры затрыманні Аляксандру зламалі два рэбры. Яго даставілі ў РАУС Кастрычніцкага раёна, пазней яму прысудзілі 10 сутак адміністрацыйнага арышту. 13 жніўня Аляксандра выпусцілі.
Згодна з першым пратаколам, вінаватым у аварыі прызналі кіроўцу аўтазака. Пазней вінаватымі прызналі і яго, і Аляксандра.
Аляксандр Вараб’ёў плануе абскардзіць рашэнне ДАІ. Аляксандр — каваль-мастак, яго майстэрня знаходзіцца за 50 кіламетраў ад Гродна. Па сваім занятку яму даводзіцца часта карыстацца аўтамабілем.
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1919
Каментары