Прэс-сакратар кіраўніка Расіі Дзмітрый Пяскоў адказаў на пытанне, ці азначаюць словы Пуціна, што Масква «ў кантакце з усімі ўдзельнікамі, з усімі бакамі канфлікту» ў Кыргызстане, тое, што падобны кантакт магчымы і з апазіцыяй у Беларусі, піша ТАСС.
«Гаворка ідзе аб палітычных партыях у Кыргызстане, якія прымалі ўдзел у выбарах, якія цяпер з'яўляюцца ўдзельнікамі палітычнага ландшафту ў Кыргызстане і знаходзяцца ў краіне. Спадарыня Ціханоўская не знаходзіцца ў Беларусі, наўрад ці можна сказаць, што яна неяк удзельнічае ў жыцці Беларусі, — сказаў Пяскоў. —
Якіх-небудзь кантактаў не плануецца».
Прадстаўнік Крамля падкрэсліў, што Ціханоўская «знаходзіцца на тэрыторыі Еўрасаюза, актыўна падарожнічае па краінах, сустракаецца з рознымі кіраўнікамі дзяржаў і ўрадаў, якія ў сваю чаргу лічаць нелегітымным дзеючага кіраўніка Беларусі — там зусім іншая сітуацыя».
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося3
Каментары