У Барысаве пачалі праводзіць аперацыі па павелічэнні грудзей — у сувязі з Годам жанчыны
Кажуць, каштуе на чвэрць танней, чым у Мінску.
Барысаўскі радзільны дом стаў першым раённым перынатальным цэнтрам Мінскай вобласці, які запусціў паслугі эстэтычнай пластычнай хірургіі. Ужо праведзена першая аперацыя па аўгментацыйнай мамапластыцы — устаноўцы імплантаў, піша Mlyn.by.
Галоўная доктарка ўстановы Вольга Канашэўская тлумачыць рашэнне проста: гэты год аб'яўлены Годам беларускай жанчыны, таму вырашылі клапаціцца не толькі пра здароўе пацыентак, але і пра іх знешні выгляд. Аперацыі праводзіць пластычны хірург Юрый Рубцоў, які развівае гэты кірунак у Барысаве з 2017 года.
Галоўная перавага перад сталічнымі клінікамі — цана і назіранне пасля аперацыі. Адна зона каштуе 1200 рублёў супраць 1600 рублёў і вышэй у Мінску. Пры гэтым пацыентак не адпускаюць адразу пасля наркозу — яны застаюцца пад наглядам тых самых урачоў.
Акрамя мамапластыкі, у Барысаве цяпер можна зрабіць ліпасакцыю, аперацыю на жываце і іншыя ўмяшанні. Чарга ўжо ёсць.
Цяпер чытаюць
Зяленскі: Рэтранслятары на мяжы Беларусі прыпынілі працу71
Каментары