2 кастрычніка ў Жодзіне затрымалі 56-гадовага Ігара Дамаронка.
«Я выходзіў на вуліцу 23 верасня, у дзень інаўгурацыі Лукашэнкі. У Жодзіна людзі ішлі рознымі маршрутамі па горадзе. Быў без сімволікі, проста шараговы ўдзельнік шэсця, — расказвае Дамаронак. — Міліцыя ж вядзе фота і відэафіксацыю, я твар не хаваю. Ну і мяне «зафіксавалі».
У пятніцу, 2 кастрычніка, пазванілі з міліцыі: трэба пад’ехаць. Я кажу — шмат спраў, давайце ўжо ў панядзелак. Пазванілі яшчэ раз вечарам: не, трэба сёння. Я пад’ехаў, мяне адразу ж і затрымалі».
Да панядзелка Дамаронак прабыў пад вартай.
«5 кастрычніка быў хуткі суд, па скайпе. Я віну не адмаўляю, але лічу, што грамадзяне сёння знаходзяцца ў стане крайняй неабходнасці, гэта артыкул 5.3 КаАП. Яны не маюць іншай магчымасці выказаць сваю пазіцыю, адпаведна дзеянне ў стане крайняй неабходнасці не з’яўляецца злачынствам. Тым больш прававыя нормы ў іншы бок не працуюць — атрымаць дазвол на мітынг немагчыма.
Але мяне, канечне, прызналі вінаватым, далі штраф 10 базавых».
Дамаронку 56 гадоў. Ён былы работнік пракуратуры, даслужыўся да намесніка пракурора горада Жодзіна, але ў 2007 годзе звольніўся.
«Не скажу, што сышоў чыста па палітычных матывах, але працаваць у той сістэме не хацеў. Бо яна несправядлівая, функцыянуе як сістэма дзеля сістэмы. Калі ты ў ёй — то табе і добра, асабліва гэта бачна сёння. Але простым людзям — няпроста», — тлумачыць Ігар.
Цяпер Дамаронак займаецца юрыдычнай практыкай. Перад сёлетнімі выбарамі ён уваходзіў у ініцыятыўную групу Бабарыкі, збіраў подпісы.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы69
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары