Наста Палажанка: «Хачу сказаць для тых, хто не бачыць сэнсу ў нашай галадоўцы — ніякага пафасу і самапіяру тут няма».
Сёння дзесяты дзень галадоўкі салідарнасці з Мікалаем Аўтуховічам, якую праводзяць сябры «Маладога фронту»,а таксама некаторых іншых арганізацый. Паводле прэс‑сакратара «МФ» Таццяны Шапуцькі, у галадоўцы на сённяшні дзень прымаюць удзел 30 чалавек. Двое — Андрусь Цянюта і Глеб Сноркін — праз стан здароўя былі вымушаныя спыніць акцыю салідарнасці.
Намесніца старшыні «МФ» Наста Палажанка кажа: «Хачу сказаць для тых, хто не бачыць сэнсу ў нашай галадоўцы —
ніякага пафасу і самапіяру тут няма.Мы падтрымліваем чалавека, які памірае за кратамі. Сваёй акцыяй мы хочам заклікаць да агульнанацыянальнай салідарнасці з тымі, хто церпіць за праўду. Данесці да міжнароднай супольнасці праблему палітычных рэпрэсій, якая па‑ранейшаму актуальна».
Сталыя палітыкі, як Аляксандр Казулін, Лявон Баршчэўскі, Мікола Статкевіч галадоўку пакуль што спынілі. «Разам з тым, Аляксандр Казулін абяцаў у 20‑ых днях траўня прабыць некалькі дзён з галадоўнікамі», — кажа Т.Шапуцька.
Наста Палажанка гаворыць, да іх на Ўправу БНФ прыходзіць вельмі шмат наведвальнікаў. «Таму ў асноўным размаўляем з людзьмі, ці чытаем кнігі. Біблію, вось Уладзімір Арлоў свае кнігі прынёс». Прыходзіў Зміцер Вайцюшкевіч, які праспяваў некалькі песень.
Спыняць акцыю салідарнасці «маладафронтаўцы» пакуль не збіраюцца.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак4
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары