Рада Задзіночання беларускіх студэнтаў абвяргае інфармацыю аб супрацы з Васкрасенскім і яго «круглым сталом»
Рада ЗБС заявіла, што не вядзе ніякіх перамоваў з Васкресенскім і ягоным «Круглым сталом». Таксама невядома пра ніводны выпадак камунікацыі актывістаў ЗБС з гэтай ініцыятывай.
«Адзінымі, хто маглі бы гэта рабіць, — прыхільнікі і прыхільніцы, якія знаходзяцца ў СІЗА. ЗБС з разуменнем ставіцца да такога іх кроку і не лічыць іх дзеянні здрадай. Такое рашэнне было, хутчэй за ўсё, прынята ў зняволенні і пад катаваннямі ці пагрозай. Для нас застанецца важнейшым іх вызваленне і здароў'е, як псіхічнае так і фізічнае», — паведамляецца ў заяве.
«Задзіночанне беларускіх студэнтаў нагадвае, што любыя перамовы магчымы толькі ў выніку выканання трох умоваў:
1. Спыненне гвалту.
2. Вызваленне ўсіх палітзняволеных.
3. Заява Лукашэнкі аб сыходзе», — адзначаецца ў заяве студэнтаў.
Каментары